家住紧果度， 个业主话响下个月租约到期之后就会大幅加我地租， 而家我正留意紧其他区有无啲比较平租啲屋可以搬， 係呢吴生， 唔知你可唔可以帮倒我咁呢?」
我问左陈老师而家佢住响边、 屋面积同交紧几多钱租， 跟住我就取个平板电脑出黎 check 完之后就话。
「我有个客， 佢长期留响外地但就有几间屋摆低左比我负责帮佢管理同放租， 咁啱其中一间屋上星期个租客就搬走左， 租金方面我可以同个业主倾唔好收得咁贵， 唔知陈老师有无兴趣而家上去睇下间屋咁呢?」
陈老师听到之后， 即时好开心咁点左一下头就嗌好。
我驾车同陈老师去到呢个租盘大厦楼下度， 上左楼后， 跟住我同陈老师就入左呢间四百零呎而装修得好简约两房单位之内， 陈老师似乎几锺意呢间屋咁， 见佢不时望下房内间隔， 一时就欣赏住窗外美景。
陈老师笑住同我讲， 「间屋其实我都几锺意， 但至于租金方面……」 我同陈老师讲租金方面我可以尽量帮佢同业主叫低啲， 而其实响心入面我亦希望真正能够帮倒陈老师佢， 我即时 Whatsapp 比个业主同佢倾谈租金方面问题， 好快趣， 个业主亦答应我能够以低过市价黎将呢间屋租比陈老师。